| Модели на динамички цени |
 |
 |
 |
| Напишано од Радмила Ѓорѓевска | ||||||
| Понеделник, 07 Декември 2009 00:32 | ||||||
|
Електронските бизниси се трудат на повеќе начини да постигнат поволни цени за своите купувачи, но истовремено да добијат и нови купувачи. Така да постојат модели кадешто купувачите сами ја кажуваат цената којашто се спремни да ја платат за да купат одреден производ.
Исто така, може да се случи купувачите да се здружат во групи и на тој начин да купат поголеми колочини од одредениот производ но по пониска цена. На интернет се среќаваат и стратегии кадешто може да се понудат одредени производи бесплатно, нудење на поврат и размена на средства. Исто така многу добра карактеристика на интернет технологијата е тоа што овозможува брза и лесна споредба на цени и карактеристики на повеќе производи.
МОДЕЛ “КАЖИ СВОЈА ЦЕНА “ Кај овој модел купувачот сам ја наведува цената којашто е спремен да ја плати за одреден производ или пак некоја услуга. Тука е-бизнисот има улога на посредник. Тој посредува помеѓу крајниот купувач и некоја компанија со којашто претходно има склучено партнерство. Компанијата ја разгледува посакуваната цена од страна на купувачот, и заедно со е-бизнисот одлучува дали ќе го продаде производот по таа цена. Доколку ја прифатат цената, купувачот е должен да го купи производот, но доколку не ја прифатат цената, купувачот може да побара друга цена, или да се откаже од купувањето.
МОДЕЛ НА СПОРЕДБА НА ЦЕНИ Моделот на споредба на цени им овозможува на купувачите да пронајдат производ по најповолна цена по пат на споредба на повеќе производи од различни продавачи. Ваквите сајтови најчесто генерираат приходи од воспоставување на партнерство помеѓу купувачот и онлајн продавницата. Предност на моделот на споредба на цени е тоа што за помалку од една минута купувачот ја има бараната информација. Со тоа купувачот заштедува време во однос на тоа кога би посетувал многу продавници и сам би ги споредувал цените на производите. Поради оваа карактеристика, интернетот врши притисок врз онлајн продавниците да одржуваат конкурентски цени на производите што ги нудат. Мана кај овој модел е тоа што не секогаш купувалите ја добиваат најниската постоечка цена на интернет за производот што го бараат. Поради тоа мора да бидат повнимателни.
ГРУПНИ НАБАВКИ Поради тоа што набавка на поголема количина на некој производ носи и пониска цена на истиот, купувачите се здружуваат во групи и го купуваат саканиот производ по пониска цена. Така преку интернетот купувачите полесно се пронаоѓаат меѓусебе и се групираат за да добијат поповолни услови за набавка. Групите за набавка можат различно да се формираат и траат, зависно од потребите.
3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved." |