За порталот

Порталот е-Бизнис Проекти (e-biznisi.net) претставува едукативна алатка за сите студенти, средношколци, интернет корисници, претприемачи, бизнисмени и други лица кои се заинтересирани да го изучуваат електронскиот бизнис и неговата примена.


Е-Бизнис Проекти беше креиран во 2008та година како поддршка за предметот е-Бизнис на Економскиот Факултет во Штип ,додека во 2009 се отвора за пошироката македонска јавност вклучувајќи ги и компаниитe кои применуваат електронски бизнис во своето работење.


Порталот и понатаму ќе им служи на студентите од Економскиот факултет во Штип да го прошируваат своето знаење од областа на е-бизнисот, да објавуваат статии и да ги промовираат проектите изработени во рамките на предметот е-Бизнис кој се изучува во втора година. Освен студентите, се повикуваат и сите заинтересирани да се вклучат во активностите на порталот.


Основна цел на порталот е интерактивно изучување на електронскиот бизнис. Изучувањето на е-бизнисот ќе се одвива низ трите главни рубрики на порталот:

 

- е-Бизнис статии. Во оваа рубрика ќе бидат објавувани статии за електронскиот бизнис поделени по категории и главно ќе имаат информативен и едукативен карактер. Сите корисници на сајтот ќе може да објавуваат свои статии од областа на е-Бизнисот а кои ќе бидат корисни и за останатите посетители.
 

- е-Бизнис проекти. Во рамките на предметот е-Бизнис на Економскиот факултет во Штип студентите изработуваат конкретни проекти и истите ќе бидат презентирани во оваа рубрика. Освен студентите, во изработка на проекти може да се вклучат и други заинтересирани лица. За таа цел на порталот ќе бидат објавени инструкции за тоа како чекор по чекор да се креира едноставен е бизнис.

 

- Македонски е-Бизниси. Рубрика во која македонските компании и претприемачи во форма на вест ќе го презентираат своето е-бизнис работење. Тука на пример, ќе се презентираат нови онлајн продавници, можности за електронско плаќање, лансирање на нов дигитален производ, имплементирање на конкретен е-Бизнис систем, успех на македонска компанија во странство и слично. Освен самите компании во оваа рубрика информации ќе може да објавуваат и другите корисници.