Добредојдовте,

Порталот е-Бизис Проекти (e-biznisi.net) претставува електронска поддршка за преметот е-Бизнис кој што се изучува во третиот семестар во наставните програми по Меѓународна Економија и Финансиски Менаџмент на Економскиот Факултет при Универзитетот „Гоце Делчев“ - Штип

Основни цели на порталот се:

1. Да ги мотивира и поттикне студентите да креираат сопствени, реални е-бизнис проекти паралелно со изучувањето на наставната содржина по предметот е-Бизнис, со што и практично ќе ги применуваат стекнатите знаења од предавањата и вежбите.

2. Да послужи како платформа за промоција на успешните проекти кои што ќе се креираат од страна на студентите, вклучувајќи го тука и значењето на поставените линкови на e-Biznisi.net кон проектите а кои се вреднувани од Интернет пребарувачите кои пак се еден од најзначајните извори на посетители.

3. Третата и не помалку важна цел на порталот е да послужи како средство преку кое студентите низ интеракција ќе ја изучуваат наставната програма по предметот е-Бизнис а воедно и ќе комуницираат меѓусебно и со предавачите.

Доколку одредени проекти се покажат успешни ќе бидат поддржувани и по завршувањето на семестарот, зависно од можностите и политиките на e-biznisi.net.

Сите оние, кои што не се студенти, а сметаат дека може да се придружат со сопствени сугестии, идеи, поддршка или пак сопствени е-бизнис проекти се повеќе од добредојдени.

Благодариме на вниманието.

Вториот дел од работниот материјал за испит по предметот Е-Бизнис (прв дел) од денеска 09.12.2008 можете да ја најдете во книжарницата на Економскиот Факултет - Штип

Почитувани студенти и посетители,

При посетата и користењето на порталот ве замолуваме да ги имате предвид следните принципи и насоки:

1. Порталот e-Biznisi.net е наменет на студентите од втора година на насоката меѓународна економија кои го слушаат предметот е-Бизнис на Економскиот Факултет при Универзитетот „Гоце Делчев“ во Штип. Сите останати посетители се добредојдени да го разгледуваат сајтот а своите сугестии и коментари може да ги остават во книгата на посетители.

Секој студент за да може да партиципира на вежбите, а со тоа и да освојува поени за активност мора да има активирано студентска пошта и да биде зачленет (регистриран) на порталот e-Biznisi.net.