Порталот е-Бизнис Проекти (e-biznisi.net) претставува едукативна алатка за сите студенти, средношколци, интернет корисници, претприемачи, бизнисмени и други лица кои се заинтересирани да го изучуваат електронскиот бизнис и неговата примена.

Изучувањето на електронскиот бизнис, што е и основна цел на порталот, ќе се одвива низ трите главни рубрики :

• е-Бизнис статии. Во оваа рубрика ќе бидат објавувани статии за електронскиот бизнис поделени по категории и главно ќе имаат информативен и едукативен карактер. Сите регистрирани корисници на сајтот ќе може да објавуваат свои статии од областа на е-Бизнисот корисни и за останатите посетители.

• е-Бизнис проекти. На порталот ќе бидат објавени инструкции за тоа како чекор по чекор да се креира едноставен електронски /интернет бизнис. Изработените проекти во рамките на порталот ќе може да се презентираат и промовираат во оваа рубрика. Поуспешните проекти ќе добијат и линк од почетната страница.

• Македонски е-Бизниси. Рубрика во која македонските компании и претприемачи во форма на вест ќе го презентираат своето е-бизнис работење. Тука на пример, ќе се презентираат нови онлајн продавници, можности за електронско плаќање, лансирање на нов дигитален производ, имплементирање на конкретен е-Бизнис систем, успех на македонска компанија во странство и слично.